2025 jylǵy jasóspirimder arasyndaǵy Azııa oıyndary: bokstan salmaq dárejeleri bekitildi

ASTANA. KAZINFORM – 2025 jyly Bahreınde ótetin jasóspirimder arasyndaǵy Azııa oıyndarynda bokstan salmaq dárejeleri resmı túrde bekitildi.

QR UOK málimetinshe, básekeler Exhibition World Bahrain kórme ortalyǵynda uıymdastyrylady. Jarysqa 2009–2010 jyly týǵan uldar men qyzdar qatysyp, 14 salmaq dárejesinde júldelerdi sarapqa salady.

Uldar: 46 keli, 50 keli, 54 keli, 60 keli, 66 kelige 75 kelige deıin jáne 80 keliden joǵary;

Qyzdar: 46 keli, 50 keli, 54 keli, 60 keli, 66 keli, 75 kelige deıin jáne 80 keliden joǵary.

Jekpe-jekter úsh raýndtan turady. Ár raýnd eki mınýtqa sozylady. Raýndtar arasynda bir mınýttyq úzilis bolady. Jeńimpazdardy anyqtaý úshin Asian Boxing pen Azııa Olımpıadalyq keńesi maquldaǵan elektrondy upaı sanaý júıesi qoldanylady.

Aıta ketsek, bastapqyda boks bul oıyndardyń baǵdarlamasyna engizilmegen edi. Alaıda World Boxing Olımpıadalyq komıssııasynyń tóraǵasy, Qazaqstan Ulttyq Olımpıadalyq komıtetiniń prezıdenti Gennadıı Golovkınniń bastamasymen bul sport túrin tizimge qosý týraly sheshim qabyldandy. Bul usynys aımaqta da, sondaı-aq Azııa Olımpıadalyq keńesi men Asian Boxing tarapynan da qoldaý tapty.

Jasóspirimder arasyndaǵy Azııa oıyndary 2025 jyldyń 22-31 qazan aralyǵynda ótedi. Jarystar 24 sport túrinen uıymdastyrylyp, 5000-nan astam sportshy baq synaıdy.

Aıta keteıik, elordada short-trekten Qazaqstan chempıonaty ótedi.