2025 jylǵy Pýlıttser syılyǵynyń laýreattary jarııalandy

ASTANA. KAZINFORM – Kolýmbııa ýnıversıteti 2025 jylǵy Pýlıttser syılyǵynyń laýreattaryn jarııalady, dep habarlaıdy Kazinform agenttigi.

Tórt nomınatsııada The New York Times gazeti jeńimpaz atandy. Al The New Yorker jýrnaly úsh marapatqa ıe boldy. Sondaı-aq, The Washington Post, Reuters jáne The Wall Street Journal sııaqty jetekshi BAQ syılyqqa ıe boldy.

«Qoǵamǵa qyzmet» nomınatsııasynda jýrnalıstik zertteýmen aınalysatyn ProPublica uıymy marapattaldy. Jýrnalıster túsikke qarsy qatań zańdar qoldanylatyn shtattarda dárigerlerdiń jedel kómekti keshiktirýi saldarynan qaıtys bolǵan júkti áıelder týraly jazǵan.

The New York Times gazeti AQSh-tyń Aýǵanstandaǵy sátsizdigi neden bastalǵanyn saralaǵany úshin marapattaldy. Sondaı-aq, basylym fotografy Donald Trampqa jasalǵan qastandyq áreketinen keıingi fotosýretter serııasy úshin úzdik atandy.

The New Yorker jýrnaly Gaza sektoryndaǵy fızıkalyq jáne emotsııalyq kúıreý jaıly essesi úshin marapatqa ıe boldy.

2025 jylǵy Pýlıttser syılyǵynyń laýreattary:

Qoǵamǵa qyzmet — ProPublica

Jedel habar taratý — The Washington Post

Jýrnalıstik zertteý — Reuters

Túsindirmeli materıal — The New York Times

Jergilikti reportaj — The New York Times

Ulttyq reportaj — The Wall Street Journal

Halyqaralyq reportaj — The New York Times

Fotoreportaj (jedel jańalyqtar) — The New York Times

Kommentarıı — The New Yorker

Laýreattardyń tolyq tizimimin myna jerden oqýǵa bolady.

Aıta keteıik, Prezıdenttiń BAQ salasyndaǵy syılyqtary men granttary, sondaı-aq Alǵysy bıyl da beriledi.