2025 jylǵy Azııa oıyndary: Qazaqstan quramasy kerlıngten birinshi matchynda jeńilip qaldy

ASTANA. KAZINFORM – 2025 jyly Qytaıdyń Harbın qalasynda ótip jatqan Azııa oıyndarynda kerlıngten aralas juptar arasyndaǵy jarystar bastaldy.

Ulttyq olımpıadalyq komıtettiń málimetinshe, bul baǵdarlamada Qazaqstan namysyn Ámına Seıitjanova men Azızbek Nadırbaev qorǵaıdy.

Bizdiń sportshylar toptyq kezeńdegi alǵashqy matchynda Qytaı quramasymen kezdesip, segiz endtiń qorytyndysy boıynsha 11:5 esebimen qarsylastaryna jol berdi.

Aıta keteıik, Qazaqstan B tobynda óner kórsetedi. Bul topqa sondaı-aq Ońtústik Koreıa, Qatar, Qyrǵyzstan, Fılıppın jáne Qytaı komandalary kirgen.

Búgin, 4 aqpan kúni Qytaıdyń Harbın qalasynda IX qysqy Azııa oıyndarynyń kerlıng sportynan jarystar bastalatynyn jazǵan bolatynbyz.