2025 jylǵy álem chempıonatyna qatysatyn Qazaqstan hokkeı quramasy anyqtaldy

ASTANA. KAZINFORM — Shaıbaly hokkeıden 2025 jylǵy álem chempıonaty elıtalyq dıvızıondaǵy oıyndarǵa qatysatyn Qazaqstan quramasy belgili boldy.

Qazaqstan quramasy Shvetsııaǵa attandy. Onda hokkeıshiler 6 mamyrda Slovenııaǵa qarsy joldastyq match ótkizedi.

Al 7 mamyrda komanda Danııanyń Hernıng qalasyna jetedi. Alǵashqy oıyny 9 mamyrda Norvegııaǵa qarsy belgilengen.

Álem chempıonatynda otandastarymyz V tobynda oınaıdy. Qarsylastary — Fınlıandııa, Chehııa, AQSh, Germanııa, Danııa, Norvegııa jáne Majarstan. Oıyndar Danııanyń Hernıng qalasynda bolady.

Bapkerler shtaby aldaǵy týrnırge qatysatyn oıynshylar tizimin jarııalady. Qorytyndy tizimge 25 hokkeıshi endi.

Qaqpashylar: Jelal-ad-Dın Ámirbekov («Magnıtka», Magnıtogorsk, Reseı), Sergeı Kýdrıavtsev («Arlan»), Maksım Pavlenko («Rıazan-VDV», Rıazan, Reseı).

Qorǵaýshylar: Ádil Beketaev, Samat Danııar, Tamerlan Gaıtamırov, Artem Korolev (barlyǵy — «Barys»), Dmıtrıı Breýs («Torpedo», Nıjnıı Novgorod, Reseı), Leonıd Metalnıkov («Admıral», Vladıvostok, Reseı), Edýard Mıhaılov («Arlan»), Valerıı Orehov («Metallýrg», Magnıtogorsk, Reseı).

Shabýylshylar: Álıhan Ásetov, Dinmuhamed Qaıyrjan, Batyrlan Muratov, Maksım Muhametov, Álıhan Ómirbekov, Kırıll Panıýkov, Kırıll Savıtskıı, Roman Starchenko (barlyǵy — «Barys»), Vladımır Volkov («Arlan»), Vıacheslav Kolesnıkov («Nomad»), Artem Lıhotnıkov («Hýmo», Ózbekstan), Nıkıta Mıhaılıs («Metallýrg», Magnıtogorsk, Reseı), Evgenıı Rymarev («ıÝnıson», Máskeý, Reseı), Arkadıı Shestakov («Admıral», Vladıvostok, Reseı).

Eske salsaq, el quramasy Astanada ótken halyqaralyq Qazaqstan Hockey Open týrnırinde úshinshi oryn aldy.