2025 jylǵa deıin Baıqońyr ǵarysh aılaǵynan toǵyz ret zymyran ushyrý josparlanǵan

ASTANA.KAZINFORM — Reseı tarapynan usynylǵan josparda «áskerı ǵarysh apparattaryn ushyrý, sondaı-aq Baıqońyr ǵarysh aılaǵynan zymyran synaǵyn ótkizýdi qamtymaıdy» delingen, dep habarlaıdy Kazinform agenttiginiń menshikti tilshisi. 

— 2025 jyly ushyrylymdar Reseı Federatsııasynyń «Reseı ǵarysh qyzmeti» memlekettik baǵdarlamasy, halyqaralyq yntymaqtastyq baǵdarlamalary jáne kommertsııalyq jobalar aıasynda júzege asyrylady, — delingen habarlamada.

Kestege sáıkes jańa jylda Halyqaralyq ǵarysh stansasynyń baǵdarlamasy boıynsha alty zymyran ushyrý josparlanǵan. Atap aıtqanda «Soıýz TM» ǵarysh kemesi sondaı-aq «Progress MS» ǵaryshtyq júk kólikteri ushýy tıis.

Sondaı-aq 2025 jylǵa arnalǵan josparda ǵarysh apparattary bar «Proton-M» aýyr zymyran tasymaldaǵyshyn eki ret ushyrý jáne «Bıon-M» bıologııalyq № 2 jer serigimen «Soıýz 2.1b» zymyran tasymaldaǵyshyn ushyrý qarastyrylǵan.

Bul kúnderi «Baıqońyr» ǵarysh aılaǵynda «Soıýz 2.1b» zymyran tasymaldaǵyshy reseılik ǵarysh kemesiniń «Resýrs P» tobyndaǵy besinshi jer serigimen birge ushyrýǵa daıyndalyp jatyr.

«Baıqońyr» ǵarysh aılaǵynan aldyńǵy ushyrý 2024 jyldyń 21 qarashasynda «Progress MS-29» júk kemesi HǴS-qa attanǵan kezde jasaldy.