2025 jyldyń alǵashqy jartysynda el ekonomıkasy 6,3%-ǵa artty
ASTANA. KAZINFORM — Kólik, qurylys jáne saýda salalary ekonomıkalyq ósimniń negizgi draıverine aınaldy, dep habarlaıdy Úkimettiń baspasóz qyzmeti.
— 2025 jyldyń birinshi jartyjyldyǵynda elimizdiń ekonomıkalyq damý kórsetkishteri aıtarlyqtaı jaqsardy. Bıylǵy 7 aıdyń qorytyndysy boıynsha ekonomıkanyń ósýi sońǵy jyldary 6,3%-dy qurap, rekordtyq kórsetkishke jetti, — delingen habarlamada.
Naqty sektordaǵy ósim 8,3%-dy qurasa, qyzmetter óndirisi 5,2%-ǵa artty.
Negizgi draıverler kórsetkishteri kelesideı:
- kólik +22,5%,
- qurylys + 18,5%,
- saýda +8,6%,
- taý-ken ónerkásibi +8,5%,
- óńdeý sektory +6,1%.
Budan buryn Úkimet otyrysynda Premer-mınıstrdiń orynbasary — Ulttyq ekonomıka mınıstri Serik Jumanǵarın 2035 jyly memlekettik bıýdjettiń kirisi 66,8 trln teńgege deıin ulǵaısa, kepildendirilgen transfert 2029 jyldan bastap 2,0 trln teńgege deıin tómendeıtinin aıtty.