Syr eli jurtshylyǵynyń boıynan týǵan jerge degen qamqorlyqty kóremin — Prezıdent

QYZYLORDA. KAZINFORM — Qyzylorda oblysynyń ár aýylyndaǵy tazalyq kóz tartady. Bul týraly Ulttyq quryltaıdyń V otyrysynda Memleket basshysy Qasym-Jomart Toqaev málim etti.

— Búgingi basqosýǵa Syr eliniń azamattary qatysyp otyr. Olardyń ishinde ardagerler, zııaly qaýym ókilderi, qoǵam belsendileri, kásipkerler jáne jastar bar. Osy oraıda, jergilikti halyqtyń eńbekqorlyǵy men uıymshyldyǵyn atap ótkim keledi. Men Syr eli jurtshylyǵynyń boıynan týǵan jerge degen súıispenshilikti, qamqorlyq pen janashyrlyqty, naǵyz otanshyldyqty kóremin. Oblys ortalyǵymen qatar, ár aýyldyń tazalyǵy kóz tartady, — dedi Qasym-Jomart Toqaev.

Osy oraıda Prezıdent Naǵı Іlııasov jáne Tań aýyldaryn búkil elge úlgi retinde únemi aıtyp júretinin atap ótti. 

— Sizder osy aımaqpen qatar kúlli elimizdiń damýyna úles qosyp kelesizder. Bir el, bir halyq bolyp jumyla bilgenniń arqasynda ótken jyldy mol tabyspen aıaqtadyq, — dedi Memleket basshysy.

Budan buryn Memleket basshysy Qyzylordanyń damý qarqynyna jaqsy baǵa bergeni belgili boldy.

Aıta keteıik, V Ulttyq quryltaıdyń alǵashqy kúninde 200-den astam usynys aıtyldy.