2025 jyl — Jumysshy mamandyqtarynyń jyly: Prezıdent Jarlyqqa qol qoıdy

ASTANA. KAZINFORM – Memleket basshysy Qasym-Jomart Toqaevtyń Jarlyǵymen 2025 jyl Jumysshy mamandyqtarynyń jyly dep jarııalandy.

- Jumysshy mamandyqtarynyń bedelin arttyrý jáne tehnıkalyq jáne kásiptik bilim berý júıesiniń reformasyn júzege asyrý maqsatynda QAÝLY ETEMІN:

1. 2025 jyl Jumysshy mamandyqtarynyń jyly dep jarııalansyn.

2. Qazaqstan Respýblıkasynyń Úkimeti Jumysshy mamandyqtarynyń jylyn ótkizý boıynsha qajetti sharalardy qabyldasyn.

3. Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin.

4. Osy Jarlyq qol qoıylǵan kúninen bastap qoldanysqa engiziledi, - dep jazylǵan Aqordanyń resmı saıtyna jarııalanǵan qujatta. 

Aıta keteıik, buǵan deıin Kazinform tilshisi osy máselede «Ózgeristi neden bastaý qajet?», «Jumysshy mamandardyń statýsyn qalaı belgileımiz?» degen saýaldarǵa jaýap izdep kórgen.