2025 jyl Qytaıda eń jyly jyl boldy
ASTANA.KAZINFORM - 2025 jyly Qytaıda 1961 jyldan bergi eń jyly jyl boldy. Eldegi ortasha temperatýra 11 gradýs Tselsıı boldy, dep habarlaıdy Kazinform.
Sınhýa agenttiginiń málimetinshe, maýsymnan tamyzǵa deıingi ortasha temperatýra 22,3 gradýs Tselsıı bolǵan, bul maýsymdyq normadan 1,1 gradýsqa joǵary. Osylaısha, ótken jylǵy jaz 2024 jylǵy jazben qatar 1961 jyldan bergi eń jyly boldy.
Ótken jyly Beıjińde 1961 jyldan bergi eń kóp jaýyn-shashyn boldy. Soltústik Qytaıdaǵy jańbyrly maýsymnyń uzaqtyǵy jáne osy kezeńdegi jalpy jaýyn-shashyn mólsheri de tarıhı eń joǵary deńgeıge jetti.
Osy aıǵa arnalǵan boljam týraly aıta kele, meteorologtar soltústik Qytaı tómen temperatýranyń, qardyń jáne aıazdy jańbyrdyń yqtımal teris áserlerine daıyndalýy kerek, al eldiń ońtústik bólikteri meteorologııalyq qurǵaqshylyqtyń áserine qarsy sharalar qabyldaýy kerek dep eskertedi.
Buǵan deıin 2025 jyldyń jazy Ulybrıtanııa tarıhyndaǵy eń ystyq jaz bolǵanyn, barlyq temperatýra rekordyn jańartqany habarlanǵan bolatyn.
Sondaı-aq, Vengrııanyń 100 jyldyq ystyq rekord ornatqany týraly habarlaǵan edik.