2025 jyl Qazaqstan tarıhyndaǵy eń jyly jyl boldy
ASTANA. KAZINFORM — «Qazgıdromet» RMQ 2025 jylǵy Qazaqstan aýmaǵyndaǵy klımat erekshelikteri týraly sholý usyndy.
— Sholýda klımattyń jaı-kúıi men ózgerýi, temperatýralyq rejım, jaýyn-shashyn, qar jamylǵysynyń jaı-kúıi, agroklımattyq jaǵdaılar, Kaspıı teńizi men Balqash kóliniń jaı-kúıi, sondaı-aq ekstremaldy aýa raıy jáne klımattyq qubylystar týraly derekter bar, — delingen habarlamada.
Sholý derekteri boıynsha byltyr 1941 jyldan bergi baqylaýlar kezeńindegi Qazaqstandaǵy eń jyly jyl retinde tirkeldi. El aýmaǵy boıynsha ortasha aýa temperatýrasynyń anomalııasy 1991–2020 jj. klımattyq normasyna qatysty +2,11 °S qurady.
Sınoptıkterdiń málimetinshe, sholý «Qazgıdromet» RMK memlekettik baqylaý jelisiniń derekteri negizinde daıyndalǵan.
Sholýdyń tolyq nusqasymen kásiporynnyń resmı saıtynda tanysýǵa bolady.
