2024 jyly elimiz ózin-ózi almamen tolyq qamtamasyz etedi

NUR-SULTAN. QazAqparat – 2024 jyly elimiz ózin-ózi almamen tolyq qamtamasyz etedi. Bul týraly Úkimet otyrysynda QR Aýyl sharýashylyǵy mınıstri Saparhan Omarov aıtty, dep habarlaıdy QazAqparat tilshisi.

«Búgingi tańda almany jalpy tutyný kólemi 344,3 myń tonnany, ımport 144 myń tonnany quraıdy. Іshki naryqty 6,6 myń gektar alańda jańa qarqyndy baqtar salý esebinen molyqtyrý boljanyp otyr», - dedi agroónerkásiptik keshendi damytýdyń negizgi baǵyttary jáne ınvestıtsııalyq jobalardyń iske asyrylýy týraly baıandaǵan mınıstr.

Onyń atap ótýinshe, jańa baqtar otyrǵyzýdy negizgi baq ósiretin óńirler: Almaty, Jambyl jáne Túrkistan oblystary jáne Shymkent qalasynda shoǵyrlandyrý usynylady.

«Jyl saıynǵy baq otyrǵyzý kólemi orta eseppen 2 myń gektar bolady. Bul tolyq jemis berýge birtindep shyǵa otyryp, almaǵa degen tapshylyqty joıyp, 2024 jyly óz-ózimizdi tolyqtaı qamtamasyz etýge múmkindik beredi», - dedi Saparhan Omarov.