2024 jyly Astanada halyqaralyq tazylar kórmesi ótedi

ASTANA. QazAqparat – Keler jyly mamyrda elordada tazylardyń halyqaralyq kórmesi uıymdastyrylmaq. Bul týraly Qazaqstan kınologııa odaǵynyń prezıdenti Baýyrjan Serikqalı málim etti, dep habarlaıdy QazAqparat tilshisi.

«Bıyl tamyzda Qazaqstan kınologııa odaǵy halyqaralyq kınologııa federtsııasynyń tolyq múshe atandy. Endi bizdiń tazylar men tóbetterdi halyqaralyq deńgeıge tanytýǵa quqyǵymyz bar. Kelesi jyly mamyrda biz tazylardyń kórmesin ótkizemiz, ol úshin halyqaralyq komıssııa tazylarmen tanysty. Tazylardyń jaǵdaıyn, sanyn qarap óz qorytyndylaryn shyǵardy», - dedi Baýyrjan Serikqalı elordada ótken tazy, tóbetterdi damytýǵa úles qosqan azamattardy Prezıdent atynan alǵys jarııalaý is-sharasy barysynda.

Onyń aıtýynsha, elimizde tóbetterdiń jaǵdaıy tómendeý.

«Nege deseńiz, aldymen olardyń naqty sany belgisiz, olarǵa arnalǵan standart joqtyń qasy, bar biraq eski. Naqty standart bekitilgen keıin, biz olardy sanap, olarǵa qujat beremiz. Atalǵan jumystardan keıin biz tóbetti halyqaralyq deńgeıde moıyndatý boıynsha halyqaralyq kınologtar federvtsııasyna ótinish bere alamyz», - deıdi ol.