2024 jyly Astana, Almaty, Shymkent qalalarynyń mektepteri bir aýysymmen oqı bastaıdy

ASTANA. QazAqparat – Oqý-aǵartý mınıstri Ashat Aımaǵambetov Úkimet kýlýarynda Astana mektepteri býr aýysymdy oqytý júıesine qashan kóshetinin aıtty, dep habarlaıdy QazAqparat tilshisi.

«Mektepterdiń bir bóligi birtindep bir aýysymdy oqytý júıesine kóshe bastaıdy. 2024 jylǵa qaraı alǵashqy 226 mektep qoldanysqa beriledi dep josparlap otyrmyz. Bul Astanada, Almatyda, Shymkentte bolady. Óıtkeni osy qalalar bir mezette birden kóptegen mektep salyp jatyr», - dedi mınıstr Úkimet otyrsynan keıin BAQ ókilderine bergen suhbatynda.

Vedomstvo basshysy bul ózgeris eldegi birneshe aýysymdy mektepterdiń problemasyn joıatynyn eske saldy.

«Osylaısha mektepterdiń bir bóligi bir aýysymdy júıege kóshe bastaıdy. Al úsh aýysymmen oqyp kelgen, oryn jetpeı júrgen mektepter sáıkesinshe problemasyn sheshe bastaıdy. Bul synyptardyń shekten tys tolymdylyǵyn da sheshedi. Muǵalimge bul óte qıyn.

Bul teńdesi joq joba jáne oǵan teńdesi joq qarajat bólinip otyr. Endi sonyń sapaly ıgerilýin baqylaý kerek», - dedi Ashat Aımaǵambetov.