2024 jylǵy Jazǵy Olımpıada oıyndaryn Reseıdiń Kalınıngrad qalasynda ótkizý bastamasy kóterildi
ASTANA. QazAqparat - Reseıdiń Kalınıngrad oblysynyń qoǵamdyq palatasy 2024 jylǵy jazǵy Olımpıada oıyndaryn Kalınıngradta ótkizý bastamasyn alǵa tartty. Bul usynysty jumys tobynyń ókili Aleksandr Tarasov jarııalady.
Aldyn-ala tujyrymdamaǵa sáıkes, 33-shi Jazǵy Olımpıada oıyndary birden eki qalada - Kalınıngrad pen Berlınde ótýi tıis. «Qoǵamdyq palata ókilderi birneshe ret osy ıdeıany bildirdi, - dedi qalalyq keńestiń depýtaty Andreı Shýmılın. - Bul máseleni biz oblys gýbernatory Nıkolaı Tsýkanovpen jáne Reseıdiń Olımpıada komıtetimen birlese otyryp talqyladyq». Onyń sózine qaraǵanda, Kalınıngrad Olımpıada ótkizý úshin qyzyǵýshylyq tanytatyn qalalardyń biri bola alady. «Baltyq teńiziniń akvatorııasynda Sankt-Peterbor ornalasqan, onda Olımpıada kezinde qyzmet kórsete alatyn kóptegen nysandar bar, - dep naqtylady Shýmılın. - Berlın, árıne, terrıtorııasy jaǵynan Kalınıngradqa jaqyn, biraq menińshe, bul oıdy áli de qarastyrý kerek». Naqty sheshimdi depýtattar 19 qarashada qabyldaıdy, dep habarlaıdy Rosbalt.
