2024 jylǵy jazǵy Olımpıada oıyndary Parıjde ótetin boldy
ASTANA. QazAqparat - 4 jyl saıyn uıymdastyrylatyn jazǵy Olımpıada oıyndary 2024 jyly Parıj qalasynda ótetin boldy, dep habarlaıdy «QazAqparat» HAA tilshisi BBC aqparat kózine silteme jasap.
Al Los-Andjeles Olımpıadany 2028 jyly qabyldap almaq. Osy ýaqytqa deıin álemdegi eń iri shaharlary sanalatyn qos qalanyń qaısysy Olımpıada oıyndaryn birinshi ótkizetini belgili bolmaǵan edi. Úmitkerlerge bul týrasynda ózara kelisimge kelý mindettelgen.
31 shildede Los-Andjeles qalasynyń 2028 jyly Olımpıada oıyndaryn ótkizý týraly resmı túrde ótinim bergeni belgili bolǵan edi.
Aıta keterligi, atalǵan eki qalada da eki márte jazǵy oıyndar ótkizilgen bolatyn. Atap aıtqanda, álemdik dárejedegi aýqymdy sport saıysyn Parıj 1900 jáne 1920 jyly, al Los-Andjeles 1932 jáne 1984 jyly ótkizgen bolatyn.
Al aldaǵy 2020 jylǵy jazǵy Olımpıada oıyndary Tokıo qalasynda ótedi.
