2024 jylǵy 1 qańtardan bastap eń tómengi jalaqy mólsheri ulǵaıady
Mınıstr depýtattardy Memleket basshysynyń 2023 jylǵy 1 qyrkúıektegi Qazaqstan halqyna Joldaýynda aıtylǵan tapsyrmalarynyń iske asyrylýy týraly habardar etti.
Halyqtyń tabysyn arttyrý maqsatynda 2024 jylǵy 1 qańtardan bastap eń tómengi jalaqy mólsheri (budan ári – ETJ) 70 myń teńgeden 85 myń teńgege deıin ulǵaıtylady
Svetlana Jaqypova óz sózinde QR Eńbek jáne halyqty áleýmettik qorǵaý mınıstrligi (budan ári – Eńbekmıni) Prezıdent tapsyrmalaryn iske asyrý boıynsha belsendi jumys júrgizip jatqanyn atap ótti.
Óndiristik jaraqattaný deńgeıin tómendetý maqsatynda 2030 jylǵa deıingi qaýipsiz eńbek tujyrymdamasynyń jobasy ázirlendi. Atap aıtqanda, jumys ornynda kásiptik táýekelderdi baǵalaýdyń jańa modelin engizý, kásiptik táýekel dárejesi boıynsha saqtandyrý tarıfin saralaý, Kásiporyndardyń tsıfrlyq kartasyn qurý jáne eńbekti qorǵaý salasynda memlekettik baqylaý men monıtorıngtiń proaktıvti formatyn engizý jáne t.b. usynylatyn bolady.
Eńbekmıni zııandy eńbek jaǵdaılarynda jumys isteıtin adamdardy áleýmettik qorǵaý deńgeıin arttyrý úshin osy sanattaǵy azamattarǵa 55 jastan bastap zeınetkerlik jasqa tolǵanǵa deıin arnaýly áleýmettik tólemdi engizý máselesin pysyqtaýda.
Halyqtyń tabysyn arttyrý maqsatynda 2024 jylǵy 1 qańtardan bastap eń tómengi jalaqy mólsheri (budan ári – ETJ) 70 myń teńgeden 85 myń teńgege deıin ulǵaıtylady. Nátıjesinde barlyq ártúrli saladaǵy menshik nysandaryndaǵy kásiporyndarda jumys isteıtin 1,8 mln-ǵa jýyq jaldamaly jumyskerdiń, onyń ishinde 350 myńǵa jýyq bıýdjettik qyzmetkerdiń aqshalaı tabysy artady.
Budan basqa, mınıstrlik Memleket basshysynyń tapsyrmasyn oryndaý úshin Dúnıejúzilik Banktiń sarapshylarymen birlesip eń tómengi jalaqynyń mólsherin aıqyndaıtyn ádistemeniń jobasyn ázirlep, oǵan sáıkes ETJ mólsheri medıanalyq jalaqy men eńbek ónimdiligine qaraı aıqyndalatyn bolady.
Sonymen qatar, Eńbekmıni múddeli memlekettik organdarmen birlesip, platformalyq jumyspen qamtý salasynda jumys isteıtin azamattardyń eńbek jáne áleýmettik quqyqtaryn qorǵaý tetikterin pysyqtaýda.
Sondaı-aq, Svetlana Jaqypova depýtattarǵa jumyspen qamtý, halyqqa ataýly áleýmettik kómekti kúsheıtý jáne múgedektigi bar adamdardy áleýmettik qorǵaý boıynsha atqarylyp jatqan jumystar barysy týraly baıandady.
