2024 jyldyń sońynda stýdentterge jataqhanalardan 70 myńǵa jýyq oryn qajet bolady
«2023-2024 oqý jylynyń sońynda joǵary oqý oryndary men kolledj stýdentteri úshin jataqhanalardan 70 myńǵa jýyq oryn qajet. Olardyń kópshiligi iri qalalarda. Máseleni júıeli sheshý úshin Qazaqstan Respýblıkasynda joǵary bilimdi jáne ǵylymdy damytýdyń 2023-2029 jyldarǵa arnalǵan tujyrymdamasy qabyldandy. Oǵan sáıkes, nysandardy salýǵa jáne jańǵyrtýǵa jeke ınvestıtsııalardy tartý, memlekettik tapsyrysty ornalastyrý jolymen shyǵystardy sýbsıdııalaý arqyly jyl saıyn 10 myń jańa oryndy paıdalanýǵa berý josparlanǵan», - dep atap ótedi Úkimet basshysynyń orynbasary jaýabynda.
Onyń atap ótýinshe, Ǵylym jáne joǵary bilim mınıstrligi Oqý-aǵartý mınıstrligimen, oblystardyń, Astana, Almaty jáne Shymkent qalalarynyń ákimdikterimen birge 2023 jyly jataqhana nysandaryn paıdalanýǵa berý jol kartasyn qabyldady.
«Qajettiliktiń Almaty qalasynda joǵary ekenin eskere otyryp, Ǵylym jáne joǵary bilim mınıstrligi Almaty qalasynyń ákimdigimen birge áleýetti ınvestorlarmen jumys isteý úshin bir tereze qaǵıdaty boıynsha Jobalyq ofıs qurdy. Investıtsııalyq tartymdylyqty kúsheıtý maqsatynda jataqhanalar salý kezinde memlekettik tapsyrysty ornalastyrý merzimi 8 jyldan 6 jylǵa deıin qysqartyldy. Biraq jataqhanadaǵy bir oryn úshin memlekettik tapsyrystyń mólsheri 122 AEK-ten 195 AEK-ke deıin (672 750 teńge), Almaty qalasy úshin 144 AEK-ten 230 AEK-ke deıin (793 500 teńge) ulǵaıtyldy. Jańǵyrtý kezinde memlekettik tapsyrysty ornalastyrý: respýblıkalyq mańyzy bar qalalar men Astanada 92 AEK (317 400 teńge); ózge eldi mekenderde – 47 AEK (162 150 teńge)», - dedi Altaı Kólginov.
Bul rette Premer-Mınıstrdiń orynbasary jaýńǵyrtý kezinde paıdalanýǵa beriletin oryndardyń kólemi eskeriletindigin atap ótedi. ıAǵnı, oblys ortalyqtary, respýblıkalyq mańyzy bar qalalar jáne Astana úshin keminde 100 oryn, qalǵan eldi mekender úshin keminde 50 oryn bolýy kerek.
