2024 jyldan bastap poıyzdarda múmkindigi shekteýli jandarǵa arnalǵan vagon bolady
Bul týraly Parlament Májilisiniń Áleýmettik-mádenı damý komıtetiniń keńeıtilgen otyrysynda QR Indýstrııa jáne ınfraqurylymdyq damý vıtse-mınıstri Berik Kamalıev málim etti.
IIDM ókiliniń aqparatyna sáıkes, kólik jáne turǵyn úı-kommýnaldyq sharýashylyq salasynda «kedergisiz orta» qurý boıynsha jumys sheńberinde Ulttyq standart talaptaryna sáıkes elimizdegi 300 temirjol vokzaly men stantsııanyń 136-sy múmkindigi shekteýli jandar úshin beıimdelgen.
Sonymen qatar múgedektigi bar azamattarǵa, onyń ishinde balalarǵa temirjol kóliginde jol júrý quny 50% jeńildik qarastyrylǵan, al «Tulpar-Talgo» poıyzdarynda arnaıy oryndarǵa bıletterdi resimdeý 70% jeńildikpen júrgiziledi.
B. Kamalıev mınıstrlik «Avtomobıl kóligi týraly» QR Zańyna túzetýler ázirlegenin atap ótti. Túzetýlerge sáıkes qalalyq marshrýttar boıynsha qatynaıtyn jańa avtobýstar múmkindikteri shekteýli jandarǵa beıimdelýi tıis degen talap kózdeledi. Qazirgi ýaqytta tıisti zań jobasy QR Parlamenti Májilisiniń qaraýynda.
«Respýblıka boıynsha turaqty qalalyq marshrýttarda 300-ge jýyq tasymaldaýshy jumys isteıdi, avtobýs parkinde 10770 kólik bar. Olardyń 4515-i nemese 30%-y halyqtyń qaýqary az toptaryn tasymaldaýǵa beıimdelgen. Sonymen qatar óńirlerde jalpy sany 375 avtokóligi bar 119 ınvataksı qyzmeti jumys isteıdi» , – dedi vıtse-mınıstr.
