2024 jyldan bastap 3-synypta aǵylshyn tilin oqytý saǵaty kóbeıtiledi

NUR-SULTAN. QazAqparat – 2024 jyldan bastap 3-synypta aǵylshyn tilin oqytý saǵaty kóbeıtiledi. Bul týraly Úkimet otyrysynda QR Oqý-aǵartý mınıstri Ashat Aımaǵambetov aıtty, dep habarlaıdy QazAqparat tilshisi.

«Prezıdent jaratylystaný-matematıka tsıklindegi jáne tildik pánderge basymdyq berý týraly tapsyrma berdi. Matematıka, fızıka, hımııa, bıologııa pánderin oqytý saǵattaryn ulǵaıtý máselesi qarastyrylyp otyr», - dedi ol.

Mınıstrdiń aıtýynsha, oqý baǵdarlamalary da jańartylatyn bolady.

«Halyqaralyq tájirıbege sáıkes 2024 jyldan bastap 3-synypta aǵylshyn tilin oqytý saǵattaryn kóbeıtý, qazaq jáne orys tilderin meńgerýge qajetti oqý júktemesi qamtamasyz etý boıynsha sharalardy qabyldaımyz», - dedi Ashat Aımaǵambetov.