2024 jyly jol-kólik apatynan 2 452 adam mert boldy

ASTANA. KAZINFORM – Ótken jyly jol-kólik apaty saldarynan 40 myńnan astam adam zardap shekti. Bul týraly N.Batpenov atyndaǵy Ulttyq travmatologııa jáne ortopedııa ǵylymı ortalyǵynyń dırektory Oljas Bekarısov aıtty.

- Bas prokýratýra derekterinde 2024 jyly tirkelgen jol-kólik apattary sanynyń 2023 jylmen salystyrǵanda 98,9 paıyzǵa óskeni atap ótilgen. 2023 jyly tirkelgen jol-kólik apatynyń sany – 18 886. ІІM Ákimshilik polıtsııa komıtetiniń resmı málimdemesine sáıkes, jol-kólik apaty sanynyń artýyna ótken jyly statıstıkaǵa jol apatyna tap bolǵan azamattyń densaýlyǵyna zııan kelse de, kelmese de medıtsınalyq kómekke júginý sebep bolyp otyr. Buryndary densaýlyǵyna zııan kelgeni medıtsınalyq turǵyda naqtylanǵanda ǵana tirkeýge alynatyn, - dedi ol Ortalyq kommýnıkatsııalar qyzmetindegi brıfıngte.

Onyń dereginshe, barlyq jol-kólik apatynyń 55 paıyzy Almaty, Astana, Shymkent qalalaryna, Almaty, Jambyl jáne Aqtóbe oblystaryna tıesili.

- Halyqaralyq zertteýlerge sáıkes qozǵalys jyldamdyǵynyń ósýi jol-kólik apaty zardabynyń aýyrlyǵyna tikeleı áser etedi. Ortasha jyldamdyqty nebári saǵatyn 1 shaqyrymǵa arttyrý zardap shegýshi bolatyn apat yqtımaldyǵyn 3 paıyzǵa, al ólimmen aıaqtalǵan jol-kólik oqıǵasy qaýpin 4-5 paıyzǵa arttyrady, - dedi Oljas Bekarısov.

Aıta keteıik, qazaq akteri AQSh-ta jol apatyna túsken adamdy qutqardy.