2024 jyly jer úıdiń saýdasy qyzyp tur
ASTANA. KAZINFORM – Ulttyq statıstıka bıýrosynyń málimetinshe, 2024 jyldyń naýryzymen salystyrǵanda (26 389) turǵyn úıdi satyp alý-satý mámileleriniń sany sáýirde 18,4% ósken. Páterler boıynsha barlyǵy 23 418 mámile jasaldy, bul mámilelerdiń jalpy sanynyń 74,9%. Sondaı-aq ótken aıda jer úı saýdasynyń belsendiligi artyp, jyl basynan bergi eń joǵary kórsetkish tirkelgen. Barlyǵy – 7 830 jer úı satylǵan.
2024 jylǵy sáýirdegi turǵyn úı naryǵyndaǵy baǵanyń ózgerýi men mámileler sany boıynsha jańa turǵyn úılerdi satý baǵasy 1,6%, páterlerdi qaıta satý baǵalary 0,1% ósken. Abattandyrylǵan turǵyn úıdi jalǵa berý tólemi ótken jylǵy tıisti aımen salystyrǵanda 2024 jylǵy sáýirde 3,1% joǵarylaǵan.
Al, óńirlerde jańa úıler naryǵynda baǵa jyldyq mánde Aqtóbe – 9,5%, Qyzylorda 7,1% qalalarynda qymbattady. Qoldanystaǵy páterler naryǵynda baǵa ósiminiń kóshin Atyraý (12,2%) men Jezqazǵan qalalary (7,1%) bastap tur, turǵyn úıdi jalǵa alý naryǵynda – Jezqazǵan (23,4%), Qaraǵandy (23%) jáne Atyraý qalalary (21%).
Bir aıdyń ishinde (2024 jylǵy sáýir 2024 jylǵy naýryzǵa) páterlerdi qaıta satý 1% ósti, al jańa turǵyn úıdi satý 0,4% tómendedi. Abattandyrylǵan turǵyn úıdi jalǵa alý tólemi sáýirde ótken aımen salystyrǵanda 0,3% joǵarylady.
2024 jylǵy sáýir aıynda turǵyn úıdi satyp alý-satý boıynsha 31 248 mámile tirkelgen, onyń ishinde jeke úıler boıynsha 7 830 jáne kóppáterli úılerdegi páterler boıynsha 23 418 mámile jasaldy. 2024 jyldyń naýryzymen salystyrǵanda (26 389) turǵyn úıdi satyp alý-satý mámileleriniń sany 18,4%-ǵa ósti. Mámileler sany boıynsha, burynǵysynsha, Astana (5 583 – 17,9%) jáne Almaty (4 949 – 15,8%) qalalary, sonymen qatar, Qaraǵandy oblysy (2 668 – 8,5%) kósh bastap tur. Mámileler sany Ulytaý oblysynda eń az – 333 birlik (1,1%).
2024 jyldyń naýryzymen salystyrǵanda sáýirde ósim elimizdiń barlyq óńirinde baıqalǵan. Teris kórsetkish tek Almaty (-4,7%) qalasynda tirkelip otyr. Al eń joǵarǵy ósim Jetisý (58,3%-ǵa), Ulytaý (54,9%-ǵa) jáne Mańǵystaý (42,4%-ǵa) oblystarynda tirkeldi.
2024 jyldyń naýryzymen salystyrǵanda, kóppáterli úılerdegi turǵyn úı mámileleriniń sany 12,5%-ǵa (2 603 mámilege) artty. 2024 jyldyń sáýir aıynda páterler boıynsha barlyǵy 23 418 mámile jasaldy, bul mámilelerdiń jalpy sanynyń 74,9%-y. Kóppáterli úılerdegi turǵyn úı saýdasynyń negizgi úlesi Astana (23,3%), Almaty (18,7%) qalalaryna jáne Qaraǵandy oblysyna (9,5%) tıesili. Bólmeler sany boıynsha 2 bólmeli páterler satylymy basym boldy, 2024 jyldyń sáýir aıynda olar boıynsha 8 844 mámile resimdelgen.
2024 jyldyń naýryz aıymen salystyrǵanda, 2024 jyldyń sáýirinde jeke turǵyn úıler boıynsha mámileler sany da 40,5%-ǵa nemese 2 256 mámilege ósti. Sáýirde aǵymdaǵy jyldyń basynan bastap eń kóp mámile tirkelgen, barlyǵy – 7 830. Sonymen qosa, ulǵaıý elimizdiń barlyq aımaǵynda baıqaldy. Eń joǵarǵy ósim Ulytaý (85,4%-ǵa), Atyraý (77,9%-ǵa) jáne Qostanaı (66,3%-ǵa) oblystarynda boldy.
2024 jyldyń sáýirinde turǵyn úıdi satyp alý-satý mámileleri ótken jyldyń tıisti aıymen salystyrǵanda 0,6%-ǵa azaıǵan, ol kezde 31 445 mámile resimdelgen bolatyn. Mámileler sanynyń eń joǵarǵy ósimi Shymkent qalasynda (20,4%-ǵa) baıqaldy, eń úlken tómendeý – Mańǵystaý oblysynda (18,9%-ǵa). 2024j. qańtar-sáýir aılaryndaǵy mámileler sanynyń 2023j. qańtar-sáýir aılarymen salystyrǵanda dınamıka 15,1% joǵarylady.
Ulttyq statıstıka bıýrosy turǵyn úı baǵasy boıynsha aı saıyn monıtorıng júrgizedi. Baǵa ındeksteri oblys ortalyqtary men Astana, Almaty, Shymkent qalalary boıynsha iriktelgen baıqaý derekteri negizinde qalyptastyrylady. Jańa turǵyn úıler boıynsha aqparat satý boıynsha operatsııalar júrgizetin qurylys kompanııalarynan jınal ady, bul rette páterdiń bastapqy jáne taza árlengendegi baǵasy eskeriledi. Páterlerdi qaıta satý jáne jalǵa alý boıynsha derekter ınternette, buqaralyq aqparat quraldarynda ornalastyrylatyn habarlandyrýlar negizinde jınalady. Baǵalardy esepteý kezinde bir, eki, úsh bólmeli páterler boıynsha usynystar esepke alynady.
