2024 jyly Ulttyq qorǵa 8,8 trln teńge kiris túsip, 5,6 trln teńge alynǵan

ASTANA. KAZINFORM – Ulttyq qordyń 1 qańtardaǵy aqshasy 33 trln 60 mlrd 887 mln 543,3 myń teńge boldy. Bul týraly Qarjy mınıstrligi málim etti. 

Resmı málimetke súıensek, 2024 jyldyń basynda Ulttyq qorda 29 trln 854 mlrd 109 mln 972 myń teńge bolǵan. 

Bir jyldyń ishinde oǵan 8 trln 828 mlrd 234 mln 159,6 myń teńge túsken. Onyń ishinde qordyń ınvestıtsııalyq basqarýdan 9 aıda 4 trln 988 mlrd 343 mln 240 myń teńge kirgen.

Al jyl boıynda Ulttyq qordan 5 trln 621 mlrd 456 mln 588,3 myń teńge alynǵan. Onyń 2 trln teńge kepildendirilgen transfert retinde, 3,6 trln teńgesi maqsatty transfert retinde, basqarý men aýdıt shyǵyndaryna 21,5 mlrd teńge jumsalǵan.

Buǵan deıin Ulttyq bank qańtar aıynda Ulttyq qordan qansha dollar satatynyn málim etken edi.