2024 jyly Ulttyq qordan 3,6 trln teńge transfert tartamyz – Qarjy mınıstri
Májilistiń jalpy otyrysynda respýblıkalyq bıýdjet boıynsha aldaǵy jyldarǵa arnalǵan boljamdar aıtyldy. Tolyǵyraq Úkimet basshysynyń orynbasary, Qarjy mınıstri Erulan Jamaýbaev aıtyp berdi, dep habarlaıdy Kazinform.
«Zań jobasy eldiń 2028 jylǵa deıingi áleýmettik-ekonomıkalyq damý boljamy negizinde ázirlendi. 2024 jylǵa arnalǵan túsimder 20,4 trln teńgege boljanyp otyr. Transfertterdi esepke almaǵanda, kiristiń kólemi 16,1 trln teńge nemese túsimderdiń jalpy somasynyń 80%. Kelesi jyly Ulttyq qordan 3,6 trln teńge kóleminde transfert tartý josparlanýda, onyń ishinde nysanaly transfert - 1,6 trln teńge. Atalǵan qarajattar áleýmettik mańyzy bar jáne strategııalyq ınfraqurylymdyq jobalardy qarjylandyrýǵa baǵyttalady», - dedi Úkimet basshysynyń orynbasary, Qarjy mınıstri Erulan Jamaýbaev Májilistiń jalpy otyrysynda.
Sondaı-aq,mınıstr respýblıkalyq bıýdjettiń shyǵysy boıynsha jaǵdaıdy túsindirdi.
«Jalpy, bıýdjettiń 2024 jylǵa arnalǵan shyǵystary bıylmen salystyrǵanda 1,5 trln teńgege ulǵaıyp, shamamen 24 trln teńgege boljanyp otyr. Bıýdjet tapshylyǵy jalpy ishki ónimge 2,6%-ǵa boljanady. Degenmen 2026 jylǵa qaraı 2,3%-ke deıin birtindep tómendeıdi. Jalpy, respýblıkalyq bıýdjettiń basym bóligi memlekettik jáne áleýmettik mindettemelerdi tolyqqandy oryndaýǵa, óńirlerdi damytýǵa baǵyttalǵan», - deıdi ol.
Buǵan deıin Májilis respýblıkalyq bıýdjet týraly zańdy qabyldanǵan bolatyn.
