2024 jyly Reseıge barǵan mıgranttar sany belgili boldy

MÁSKEÝ. KAZINFORM — 2024 jyly Reseıge 6,3 mıllıonǵa jýyq mıgrant barǵan, dep habarlady RF ІІM Kóshi-qon isteri boıynsha bas basqarmasynyń bastyǵy Valentına Kazakova.

— Biz pandemııaǵa deıingi kórsetkishterge oraldyq. 6,3 mıllıonǵa jýyq shetel azamaty keldi. Bul azamattardyń 50 paıyzǵa jýyǵy jumys isteý úshin kelgen, — dedi ol Sankt-Peterbýrg halyqaralyq ekonomıkalyq forýmynda sóılegen sózinde.

Sheteldikterdiń 23,3 paıyzy Ózbekstan azamaty, bul 1,5 mıllıonǵa jýyq degen sóz. 

Sondaı-aq 16,7 paıyzy Tájikstan, 10,4 paıyzy Qyrǵyzstan, 9,5 paıyzy Belarýs azamattary boldy.

Eske sala keteıik, Ortalyq Azııanyń eńbek mıgranttary Qazaqstanda 136 mlrd teńge «taýyp», óz elderine 1 trln teńge aýdarǵany jaıly jazǵan edik.