2024 jyly eń kóp qylmys Almatyda tirkelgen — Prokýratýra

ASTANA. KAZINFORM — Prokýratýra 2024 jyldyń qorytyndysyn shyǵaryp, qylmys deńgeıi týraly málimet berdi. 

Bas prokýratýranyń Quqyqtyq statıstıka jáne arnaıy esepke alý jónindegi komıtetiniń málimetine sáıkes, byltyr jalpy qylmystyń 5,3%-ǵa (140 272-den 132 778-ge) tómendeýiniń oń dınamıkasy baıqalǵan.

Resmı derekke súıensek, qylmystyq kórsetkish Mańǵystaý oblysynda 12,2% -ǵa (3097-den 3474-ke), Atyraý oblysynda 8,5%-ǵa (4283-ten 4647-ge), Pavlodar oblysynda 5,6%-ǵa (5039-dan 5322-ge), Qyzylorda oblysynda 4,6%-ǵa (2871 — 3003), Ulytaý oblysynda 2,8%-ǵa (1278-den 1314-ke), Almaty oblysynda 1,6%-ǵa (10223-ten 10385-ke) jáne Aqmola oblysynda 0,7%-ǵa (5084-ten 5120-ǵa) deıin ulǵaıǵany baıqalǵan.

Eń kóp qylmys Almaty— 24 965 (18,8%) jáne Astana qalalarynda – 17 339 (13,1%) bolǵany belgili bolyp otyr. Al, oblystar arasynda Almaty oblysy — 10 385 (7,8%) men Qaraǵandy — 7 562 (5,7%) oblystary qylmys kórsetkishi boıynsha kósh bastaǵan. 

Qylmystyq quqyq buzýshylyqtardyń jalpy sanynan 34% alaıaqtyq (45 156), 23% - urlyq (30 593), 6,3% - esirtki qylmysy (8 363), 1,2% — tonaý (1 551), 1,2% — buzaqylyq (1 615), 0,8% — mal urlyǵy (1 051), 0,4% - adam óltirý (566), 0,3% — zorlaý (421), basqa quqyq buzýshylyqtar 32,7% (43 462).

Onsha aýyr emes qylmystar -7,6%-ǵa (21 826-dan 20 178-ge), aýyrlyǵy ortasha qylmystar — 16,8%-ǵa (58 874-ten 48 992-ge) jáne aýyr — 2,2%-ǵa (37 548-den 36736-ǵa) tómendegeni baıqalady.

Sonymen qatar, urlyq — 28,3%-ǵa (42 639-dan 30 593-ke), onyń ishinde uıaly telefon urlyǵy — 30,9%-ǵa (10 530-dan 7 273-ke), páter urlyǵy — 33,5%-ǵa (3 566-dan 237-ge), kólik urlyǵy — 42,2%-ǵa (258-den 149) aıtarlyqtaı tómendedi.

Sondaı-aq mal urlyǵy da — 30,9% (1520-dan 1 051-ge) azaıdy.

Eske sala keteıik, buǵan deıin SQO-da tsıfrlyq aktıvterdi zańsyz aınalymǵa shyǵarǵan úsh azamat sottalǵanyn jazǵan bolatynbyz.