2024 jyly áleýmettik-eńbek salasyna bıýdjet shyǵystary 16%-dan artyq ósti
2024 jyly áleýmettik-eńbek salasyna respýblıkalyq bıýdjettiń shyǵystary shamamen 5 trln 456 mlrd teńge somasyna qarastyrylǵan, bul 2023 jylǵy shyǵystardan 16,3 %-ǵa artyq (shamamen 4,7 trln teńge), dep habarlaıdy Kazinform.
Eńbek jáne halyqty áleýmettik qorǵaý mınıstrliginiń málimetinshe, kózdelgen shyǵystardyń 98,2%-y nemese 5 trln 355,5 mlrd-y 2,4 mln zeınetkerge zeınetaqy jáne 2,2 mln-ǵa jýyq alýshyǵa járdemaqy tóleý úshin baǵyttalatyn bolady.
Buryn habarlanǵandaı, búgingi kúni respýblıkalyq bıýdjet qarajaty esebinen bazalyq jáne yntymaqty zeınetaqyny qosa alǵanda, áleýmettik tólemderdiń 41 túri tólenedi. 2023 jyly járdemaqylar men zeınetaqylardy tóleýge 4,4 mln adamǵa, onyń ishinde 2,3 mln zeınetker men 2,1 mln memlekettik járdemaqy alýshyǵa 4 trln 689,3 mlrd teńge jumsaldy.
