2024 jylǵy «Táýelsizdik urpaqtary» grantynyń ıegerleri anyqtaldy
ASTANA. KAZINFORM - «Táýelsizdik urpaqtary» grantyn taǵaıyndaý jónindegi konkýrstyq komıssııanyń qorytyndy otyrysy ótip, jeńimpazdar anyqtaldy. Bul týraly Mádenıet jáne aqparat mınıstrligi habarlady.
Aıta keteıik, «Táýelsizdik urpaqtary» granty jyl saıyn Memleket basshysy Qasym-Jomart Toqaevtyń tapsyrmasymen beriledi.
Nátıjesinde komıssııa 6 baǵyt boıynsha eń joǵary ball jınaǵan 30 jobany iriktep aldy.
Grant ıegerlerin marapattaý rásimi jeltoqsan aıynda Astanada ótedi. Jeńimpazdar jobalaryn júzege asyrý úshin memleketten 3 mıllıon teńge kóleminde qarjylyq qoldaý kórsetiledi.
Aıta keteıik, bıyl ótinimder 5 tamyz ben 6 qazan aralyǵynda qabyldandy. Kelip túsken 1284 ótinimniń 897-si qabyldandy. Atap aıtqanda, «Bıznes» baǵyty boıynsha – 495, «Ǵylym» baǵyty – 62, «Mádenıet» baǵyty – 107, «Aqparattyq tehnologııa» baǵyty boıynsha – 94, «Medıa» baǵyty – 66, «Volonterlik» baǵyty boıynsha – 73 ótinim.
