2024 jylǵy Nobel syılyǵynyń beıbitshilik salasyndaǵy ıegeri belgili boldy

ASTANA.KAZINFORM - 2024 jylǵy Beıbitshilik salasyndaǵy Nobel syılyǵy ıadrolyq qarýdan azat álem qurýdy jaqtaǵany úshin japondyq Nihon Hidankyo uıymyna berildi.

- Bul Hırosıma men Nagasakıdegi (1945) atom bombalaýyn bastan ótkergen adamdardyń qozǵalysy ıadrolyq qarýsyz álemdi qurýǵa baǵyttalǵan kúsh-jigeri úshin jáne ıadrolyq qarýdy eshqashan qaıta qoldanýǵa bolmaıtyndyǵy týraly dálelder kórsetkeni úshin beıbitshilik syılyǵymen marapattaldy,-delingen uıymdastyrýshy komıtettiń baspasóz habarlamasynda.

2024 jyly Nobel syılyǵy tabystalǵandar:

• fızıka salasyndaǵy ǵalymdar Djon Hopfıld pen Djeffrı Hıntonǵa JI kómegimen mashınalyq oqytý oılap tapqany úshin;
• medıtsına salasynda amerıkalyq Vıktor Embros pen Gerı Ravkanǵa mıkroRNQ – gendik retteýdiń mańyzdy elementin ashqany úshin;
• hımııa salasynda Devıd Beıker, Demıs Hassabıs jáne Djon M. Djamperge aqýyz qurylymdary boıynsha jasaǵan jumysy úshin;
• ádebıet salasynda Han Ganǵa «tarıhı aýyrtpalyqtar men adam ómiriniń náziktigin zertteıtin poetıkalyq prozasy úshin» berildi.