2024 jylǵy «Altyn globýs» nomınanttary belgili boldy
2024 jylǵy «Altyn globýs» premııasynda ótip bara jatqan jyldyń eki hıti — «Barbı» men «Oppengeımer» eń kóp nomınatsıǵa ıe boldy. Kazinform bul týraly VVS-ge silteme jasap habarlaıdy.
Sonymen qatar úmitkerler qataryndaǵy Martın Skorsezeniń Killers of the Flower Moon jáne Iorgos Lantımostyń Poor Things qara komedııasy jeti nomınatsııadan jeńip aldy.
Negizgi akterlik nomınatsııalar Emma Stoýn, Leonarda Dı Kaprıo, Kıllıan Merfı men Davaın Djoı Rendolfke buıyrdy.
«Altyn globýs» 2024 jyldyń 7 qańtarynda Los-Anjeleste tabystalady.
Eń kóp nomınatsııasy bar fılmder tizimi:
«Barbı» (Barbie) — 9 nomınatsııa
«Oppengeımer» (Oppenheimer) — 8
«Gúl aıyn óltirýshiler» (Killers of the Flower Moon) — 7
«Beıshara músápirler» (Poor Things) — 7
«Ótken ómirler» (Past Lives) — 5
«Mamyr, jeltoqsan» (May December) — 4
«Qulaý anatomııasy» (Anatomy of a Fall) — 4
«Maestro» (Maestro) — 4
Televıdenıe salasynda toǵyz nomınatsııamen «Muragerler» (Succession) serıaly kósh bastap tur, onyń ishinde úzdik dramalyq serıal boıynsha marapat bar.
Nomınanttar tizimine qosylǵan basqa telebaǵdarlamalar: «Bir ǵımarattaǵy kisi ólimi» (Only Murders in the Building), «Dıplomat» (The Diplomat), «Tańǵy shoý» (The Morning Show) ı «Korona» (The Crown).
Aǵylshyn tilinde túsirilmegen lentalardyń ishinde ońtústikkoreıalyq «Ótken ómirler» fılmi eń kop nomınatsııa (bes) ıelendi.
«Barbıdiń» toǵyz nomınatsııasy: aktrısa Margo Robıı — mıýzıkl nemese komedııadaǵy eń úzdik áıel róli, Raıan Goslıng — ekinshi sanattaǵy eń úzdik akterlik oıyn jáne Greta Gervıg — úzdik rejıssýra.
Plastık qýyrshaqtardyń máńgilik brendi týraly femınıstik satıralyq lenta úzdik biregeı án boıynsha úsh nomınatsııa aldy: Dýa Lıpanyń Dance The Night, Raıan Goslıngtiń I’m Just Ken jáne Bıllı Aılıshtiń What Was I Made For? fılmi.
2024 jyly qosylǵan taǵy bir sanat — stendap-komedııadaǵy úzdik qoıylym. Nomınanttar qatarynda Rıkkı Djerveıs, Trevor Noa men Emı Shýmer bar.
Dıstrıbıýterler ishinde Netflix strımıng platformasy kósh bastap tur: fılm úshin — 13 jáne teleserıal úshin — 15 nomınatsııa.
Eń kóp televızııalyq nomınatsııa HBO l Max-qa (17) tıesili.
