2024 jyldyń І jarty jyldyǵynda el ekonomıkasyna $9,8 mlrd ınvestıtsııa quıyldy
ASTANA. KAZINFORM - 2024 jyldyń І jarty jyldyǵynyń qorytyndysy boıynsha shetelden keletin tikeleı ınvestıtsııanyń jalpy kólemi 9,8 mlrd dollar boldy. Bul týraly QR Prezıdentiniń keńesshisi – Baspasóz hatshysy Berik Ýálı Egemen Qazaqstan gazetinde jazdy.
- Jyl basynda, ıaǵnı 7 aqpanda ótken Úkimettiń keńeıtilgen otyrysynda Prezıdent básekelestikti damytý, ekonomıkaǵa memlekettiń aralasýyn qysqartý, bıznes shyǵyndaryn azaıtý arqyly kásipkerlik erkindikti qamtamasyz etýdi tapsyrǵan edi. Qasym-Jomart Toqaev 10 mamyrda «Ekonomıkany yryqtandyrý jónindegi sharalar týraly» Jarlyqqa qol qoıdy. Al 2 qyrkúıekte Qazaqstan halqyna arnaǵan «Ádiletti Qazaqstan: zań men tártip, ekonomıkalyq ósim, qoǵamdyq optımızm» atty Joldaýynda Prezıdent elimizdiń taıaý keleshektegi ekonomıkalyq damýynyń negizgi baǵyt-baǵdaryn aıqyndady. Úkimet jyl boıy osy negizgi mindetterdi atqarýǵa bar kúsh-jigerin jumsady, - dep jazady Berik Ýálı.
Sondaı-aq osy jyly el ekonomıkasyna qansha ınvestıtsııa tartylyp jatqany aıtylǵan.
- 2024 jyldyń І jarty jyldyǵynyń qorytyndysy boıynsha shetelden keletin tikeleı ınvestıtsııanyń jalpy kólemi 9,8 mlrd dollardy qurady. Bul kórsetkish taý-ken ónerkásibi, kóterme jáne bólshek saýda, óńdeý ónerkásibi salalarynda kóbirek tirkeldi. Negizgi kapıtalǵa salynǵan ınvestıtsııa kólemi qańtar-qarasha aılarynda 15,8 trln teńgege jetti. Búginde 795,9 mlrd teńge kólemindegi somaǵa 134 joba iske qosyldy, 10,1 myń turaqty jumys orny quryldy. Memleket basshysy jańadan jumysyn bastaǵan birneshe iri zaýyt pen kásiporynǵa arnaıy baryp, qyzmetimen tanysty, - delingen maqalada.
Aıta ketsek, Kazinform tilshisi ekonomıkalyq kórsetkishterdi sholyp shyqqan bolatyn. Sarapshy munaıdan tys sektorlardyń qarqyndy damýy el ekonomıkasynyń ósimine septigin tıgizgeni týraly aıtady.
Sondaı-aq Berik Ýálı Memleket basshysy Qasym-Jomart Toqaevtyń jyl boıy atqarǵan qyzmetine sholý jasap, qoǵamdyq-saıası ómirdegi, áleýmettik-ekonomıkalyq damýdaǵy irgeli ózgerister men tabys-tar týraly baıandady.
Prezıdent bıyl jumys saparymen elimizdiń 11 óńirine bardy. Aımaqtardaǵy 60-tan asa óndiristik jáne áleýmettik-mádenı nysandarmen tanysyp, jurtshylyqpen kezdesti.