2024 jyldyń naýryzy tarıhtaǵy eń ystyq aı retinde tirkeldi
ASTANA. KAZINFORM – Ótken naýryz aıy álem boıynsha rekordtyq eń ystyq aı boldy. Meteorologtar onynshy aı qatarynan aı saıynǵy temperatýra rekordyn tirkedi. Bul týraly Copernicus eýropalyq klımattyq qyzmeti habarlady.
Copernicus málimetteri boıynsha, aqpan aıynda planetanyń betindegi ortasha temperatýra Tselsıı boıynsha 14,14 gradýsty qurady — bul 1991 jyldan 2020 jylǵa deıingi naýryzdaǵy ortasha kórsetkishten 0,73 gradýsqa joǵary. Sonymen qatar bul 2016 jyldyń naýryzynda tirkelgen aldyńǵy rekordtyq eń jyly aıdan 0,10 gradýsqa joǵary.
Sońǵy 12 aıdaǵy (2023 jyldyń sáýirinen 2024 jyldyń naýryzyna deıin) jahandyq ortasha temperatýra da rekordtyq kórsetkishke jetti. Temperatýra 1 850−1 900 jyldardaǵy ındýstrııaǵa deıingi kezeńnen Tselsıı boıynsha 1,58 gradýs joǵary boldy.
«2024 jyldyń naýryzy aýa men teńiz betiniń temperatýrasy boıynsha klımattyq rekordtardy ornatýdy jalǵastyryp jatyr... Jahandyq jylynýdy toqtatý úshin parnıktik gazdar shyǵaryndylaryn jyldam azaıtý qajet», - dedi Copernicus dırektorynyń orynbasary Samanta Berdjess.
Eýropadan basqa, Soltústik Amerıka, Grenlandııa, Reseı, Ortalyq Amerıka, Ońtústik Amerıkanyń bir bóligi, Afrıkanyń kóp bóligi, Avstralııanyń ońtústigi jáne Antarktıdanyń keıbir bólikterinde ortashadan joǵary temperatýra tirkeldi.
