2024 jyldyń III toqsanynda elimizdiń tis dárigerleri 56,3 mıllıard teńge tabys tapqan
ASTANA. KAZINFORM — Bıylǵy jyldyń III toqsanynda tis dárigerleri 56,3 mıllıard teńgeden astam somaǵa qyzmet kórsetken. Bul týraly Ulttyq statıstıka bıýrosy málim etti.
— Qyzmetterdiń negizgi kólemi, 5,3 mıllıard teńge bıýdjet qarajaty esebinen, 47,9 mıllıardy — halyqtan túsken qarajat jáne 3 mıllıard teńge kásiporyndardyń qarjysy esebinen oryndaldy, — delingen habarlamada.
Aımaqtar boıynsha eń kóp qyzmet kórsetý kólemi Astana men Almaty qalalarynda boldy — árqaısysynda 14 mıllıard teńge.
Alǵashqy úshtikke sondaı-aq Atyraý oblysy (3,5 mıllıard teńge) jáne Shyǵys Qazaqstan oblysy (2,3 mıllıard teńge) endi. Eń az qyzmet Ulytaý oblysynda kórsetilgen — 107 518 myń teńge.
2025 jyldyń 1 qańtaryna qaraı «Stomatologııalyq qyzmet» salasynda 2947 zańdy tulǵa men fılıal, sondaı-aq 2921 jeke kásipker tirkelgen.
Eske sala keteıik, buǵan deıin Atyraýda ІІ top múgedegi tis emhanasynyń sapasyz qyzmeti úshin sotqa júgingenin jazǵan bolatynbyz.