2024 jyldyń alǵashqy 3 aıynda Ózbekstanǵa 260 myńnan astam qazaqstandyq týrıst barǵan

TAShKENT. KAZINFORM – Qańtar-naýryz aılarynda Ózbekstanǵa 1 mıllıon 519,3 myń týrıst barǵan, bul ótken jyldyń sáıkes kezeńimen salystyrǵanda 31,7 myń adamǵa nemese 2,1 paıyzǵa joǵary.

Olardyń basym kópshiligi Tájikstan, Qyrǵyzstan jáne Qazaqstan azamattary. Bul týraly memlekettegi Statıstıka agenttiginiń aqparat qyzmeti habarlady.

Jyldyń alǵashqy 3 aıynda eń kóp týrıster Tájikstannan (536,5 myń), Qyrǵyzstannan (442 myń) jáne Qazaqstannan (262,6 myń) barǵan.

Sondaı-aq, elge Reseıden 134 200, Túrkimenstannan 31 000, Túrkııadan 21 500, Úndistannan 11 600, Qytaıdan 10 000, Ońtústik Koreıadan 7 600 jáne Germanııadan 3 800 týrıst kelgen.

Basqa elderdiń úlesine 58 500 týrıst týra keldi.

Esterińizge sala keteıik, bıyl Ózbekstan 2,2 mln qazaqstandyq týrısti qabyldaýǵa nıetti.