2024 jyl Jer tarıhyndaǵy eń ystyq jyl bolýy múmkin
ASTANA.KAZINFORM - Qyrkúıek aıynyń basynda Eýropalyq klımattyń ózgerýi jónindegi «Kopernık» qyzmeti Soltústik jarty sharda jazǵy temperatýra rekordtyq joǵary deńgeıge jetetinin málimdedi, dep habarlaıdy Kazinform tilshisi.
«2024 jyldyń sońǵy úsh aıynda planetanyń eń ystyq maýsymy men tamyzy, rekordtyq eń ystyq kún jáne rekordtyq eń ystyq borealdyq jaz boldy», - dedi C3S dırektorynyń orynbasary Samanta Berdjess.
Borealdy klımat – tek soltústik jarty sharda qalyptasatyn jáne qylqan japyraqty ormandardyń taralý shekarasymen sáıkes keletin soltústik klımat. Bul qarly qysy jáne salystyrmaly túrde qysqa jyly jazy bar qońyrjaı endikterdiń klımaty.
Jaz aılarynda temperatýra ortasha eseppen 16,8 gradýs Tselsıı boldy, dep habarlaıdy «Kopernık» qyzmeti. Bul ótken jylǵy temperatýra rekordynan Tselsıı boıynsha 0,03 gradýsqa joǵary.
