2024-2025 jylǵy jylý maýsymy turaqty ótti — Energetıka vıtse-mınıstri

ASTANA. KAZINFORM — Úkimet otyrysynda QR Energetıka vıtse-mınıstri Suńǵat Esimhanov ótken jylý berý maýsymyn qorytyndylady.

— 2024-2025 jyldardaǵy kúzgi-qysqy kezeń turaqty ótti. Jylytý kezeńinde iri tehnologııalyq buzýshylyqtar baıqalmady, — dedi ol Úkimet otyrysynda. 

Sondaı-aq vıtse-mınıstr ótken jyly salada qarjylandyrý kórsetkishi óskenin atap ótti. 

— 2024 jyly qabyldanǵan sharalar energııa kózderi boıynsha jóndeý jumystaryn qarjylandyrýdy ótken jylǵy deńgeıden 44%-ǵa artyq, ıaǵnı 327 mlrd. teńgege deıin ulǵaıtýǵa múmkindik berdi. Jylý jelilerinde jóndeý jumystaryn qarjylandyrý 28%-ǵa, 148 mlrd. teńgege deıin ulǵaıtyldy, — dedi ol.

Spıkerdiń aıtýynsha, osynyń arqasynda elektr stansalarynda 10 energııa blogyna, 55 qazandyqqa, 45 týrbınaǵa jóndeý júrgizilgen. Sondaı-aq 21 myń km elektr berý jelisi, 423 qosalqy stantsııa jóndelip, 542 km jylý jelisine qaıta qurý jáne aýystyrý júrgizilgen.