2023 jyly jastarǵa jumys tabýda qıyndyqtar týyndaýy múmkin
ASTANA. 27 qarasha. QazAqparat - Úkimet basshysynyń orynbasary Erbol Orynbaevtyń paıymynsha, 2005 jyldaǵy balalar týý kórsetkishi joǵary kezeńde ómirge kelgender 2023 jylǵa qaraı jumys izdep, qınalýy múmkin.
E. Orynbaev bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte aıtty. Vıtse-premerdiń sózine qaraǵanda, 2005 jyly bastalǵan bala týý kórsetkishiniń joǵary deńgeıi osy kúnge deıin jalǵasyp keledi. Sarapshylardyń baǵalaýy boıynsha bul qarqyn 2016 jylǵa deıin sozylady. Máselen, 2004 jyly 270 myń sábı dúnıe esigin ashsa, 2005 jyly - 279 myń, 2006 jyly - 302 myń, 2007 jyly - 322 myń, sondaı-aq 2011 jyly 372 myń náreste ómirge keldi. Atap aıtqanda, bıylǵy jylǵy 9 aıdyń qorytyndysy boıynsha da týýdyń osyndaı kórsetkishi saqtalýda. «1993-2004 jyldardaǵy týý kórsetkishiniń quldyraýy esebinen bizde eńbek naryǵy ázirge birshama qolaıly deńgeıde. Alaıda 2005 jyldardan bastap týý kórsetkishi artqan kezde ómirge kelgen balalar 2023 jyly eńbek naryǵynda problemalar týdyrýy múmkin»,-dedi E. Orynbaev.
