2023 jyly jańa halyqaralyq reıster ashylady
Pandemııaǵa deıingi deńgeıdegi ishki tasymaldaý kólemi tolyq qalpyna keltirildi jáne asyp tústi (57 baǵyt boıynsha aptasyna 687 reıs).
Aptasyna 477 reıs jıiligimen 108 baǵyt boıynsha 30 elge halyqaralyq reıster qalpyna keltirildi.
Olar: Túrkııa, BAÁ, Ózbekstan, Grýzııa, Tájikstan, Túrkimenstan, Reseı, Qyrǵyzstan, Belarýs, Germanııa, Egıpet, Ońtústik Koreıa, Nıderlandy, Polsha, Armenııa, Ulybrıtanııa, Maldıv araldary, Taıland, Ázirbaıjan, Katar, Kýveıt , Saýd Arabııasy , Mońǵolııa, Úndistan, Iran, Chernogorııa, Italııa, Qytaı, Vetnam, Seıshel araldary.
2022 jyly 6 elmen (Túrkimenstan, Egıpet, Ulybrıtanııa, Mońǵolııa, Iran, Qytaı) halyqaralyq reıster qalpyna keltirildi, aptasyna 25 reıs jıiligimen 10 baǵyt boıynsha 7 elge jańa baǵyttar ashyldy: Italııamen Almaty – Mılan «NEOS» áýe kompanııasymen, Gretsııamen Almaty – Iraklıon baǵyty boıynsha «Eır Astana»áýe kompanııasymen, Vetnammen Almaty – Nha Trang jáne Astana – Nha Trang baǵyttary boıynsha «Vietjet Air» áýe kompanııasymen, Kýveıtpen Túrkistan – Kýveıt baǵyty boıynsha «Jazeera Airways» áýe kompanııasymen, Túrkııamen Almaty – Ankara jáne Astana – Ankara baǵytynda «AnadoluJet» jáne Almaty – Ankara «Pegasus Airlines» áýe kompanııasymen, Almaty – Mae baǵyty boıynsha «Air Seychelles» áýe kompanııasymen jáne Reseıdiń qalalaryna Almatydan Sýrgýtqa, Tıýmenge, Astanadan Sankt-Peterbýrgke reıster «SCAT» áýe kompanııasymen, Almatydan Ashhabadqa «Túrkimenhavaıoldary» áýe kompanııasymen qalpyna keltirdi.
Sondaı-aq, «ashyq aspan» rejımi 2027 jylǵy 26 jeltoqsanǵa deıin (5 jyldyq merzimge) uzartyldy.
2023 jylǵy kóktemgi-jazǵy navıgatsııa kezeńinde Astanadan Dohaǵa, Aqtaý men Shymkentten Ankaraǵa, Almaty men Aqtaýdan Medınaǵa, Astanadan Bakýge jáne Shymkentten Dýshanbege reıster ashylady dep kútilýde, Astana, Almaty, Aqtaý, Túrkistan jáne Atyraýdan Ystambulǵa, Astana men Almatydan Antalıaǵa, Almatydan Bakýge, Tbılısıge, Phýketke jáne Malege reısterdi ulǵaıtý josparlanýda, Pákistanǵa Almatydan Karachı men Lahorǵa reıster ashý, Úndistanǵa Almaty - Delı baǵyty boıynsha, Qytaıǵa Almaty – Chendý baǵyty boıynsha, Ulybrıtanııaǵa Almaty – London, Almatydan Bodrým, Batýmı Iraklıon, Podgorıtsa jáne Astanadan Tbılısı men Podgorıtsaǵa baǵyttary boıynsha oryndalatyn reıster sanyn ulǵaıtý josparlanýda, Astana – Bishkek, Aqtaý – Erevan, Almaty – Samarqand, Shymkent – Kýtaısı baǵyttary boıynsha reıster qaıta bastalady dep kútilýde.
Malaızııalyq loýkost «Air Asia X» áýe kompanııasy 2023 jyldyń kóktemgi-jazǵy navıgatsııasynan bastap Kýala-Lýmpýrdan Almatyǵa, «Thai Air Asia» áýe kompanııasy Bangkoktan Almatyǵa reısterdi ashýdy josparlap otyr.
Sonymen qatar, «Air Asia Aviation Group» kompanııasynyń toby Almaty men Astanaǵa reısterdi oryndaý kezinde «aýa erkindiginiń» besinshi dárejesimen Máskeý (Reseı), Ystambul (Túrkııa), Parıj (Frantsııa), London (Ulybrıtanııa) jáne Frankfýrt (Germanııa) qalalaryna odan ári ushýlar máselesin qarastyrýda.
«Qeshm Air» áýekompanııasy «aýa erkindiginiń» 5-shi dárejesin paıdalana otyryp, Almaty – Tokıo baǵyty boıynsha reısterdi ashýdy josparlap otyr.
Sondaı – aq, «Eır Astana» áýekompanııasy orta merzimdi perspektıvada Almaty-Tel-Avıv baǵyty boıynsha Izraılge aptasyna 2 turaqty reısti oryndaý máselesin pysyqtaýda.
