2023 jyly Ulttyq qordan tartylatyn qarajat 1,4 trln teńgege azaıtyldy

ASTANA. QazAqparat – 2023 jyly Ulttyq qordan tartylatyn qarajat 1,4 trln teńgege azaıtyldy. Bul týraly Senattyń jalpy otyrysynda QR Premer-Mınıstri Álıhan Smaıylov aıtty, dep habarlaıdy QazAqparat tilshisi.

«Sizderge bıýdjet jobasyn qaraý kezinde jáne talqylaý kezinde belsendi jumystaryńyz úshin úlken alǵysymyzdy aıtamyz. Byl 3 jyldyq bıýdjetti qalyptastyrý óte kúrdeli makroekonomıkalyq jaǵdaıda júrgizildi. Soǵan qaramastan biz kelesi jyly Ulttyq qordan tartylatyn qarjyny 1,4 trln teńgege azaıttyq. Bıýdjettiń óz tabysyn 3,7 trln teńgege ulǵaıttyq. Bıýdjet tapshylyǵyn 3,3 paıyzdan 2,7 paıyzǵa tómendettik. Jáne de osy saıasatty ary qaraı jalǵastyrý qajet dep oılaımyn», - dedi Úkimet basshysy.

Premer-Mınıstr atalǵan jumysta Úkimetke kórsetken úlken qoldaýy úshin senatorlarǵa rızashylyǵyn bildirdi.

«Depýtat korpýsynan kóptegen usynys aıtyldy. Olardy biz nazarǵa aldyq jáne jumysymyzda eskeretin bolamyz», - dedi Álıhan Smaıylov.