2023 jyly Ulttyq qordan alynatyn qarajat 2,2 trln teńgege deıin qysqarady
NUR-SULTAN. QazAqparat – Premer-Mınıstrdiń birinshi orynbasary Álıhan Smaıylov Májilis depýtattarynyń saýalyna bergen jaýabynda 2023 jylǵa qaraı Uttyq qordan alynatyn qarajat 2,2 trln teńgege deıin qysqartylatynyn aıtty, dep habarlaıdy QazAqparat tilshisi.
«2021 jyly Ulttyq bankpen birlesip munaıdyń eseptik baǵasyn aıqyndaý tártibin ázirleý josparlanýda. Osyny eskere otyryp, kontrtsıkldik qaǵıda munaı baǵasy joǵary bolǵan kezde Ulttyq qordyń qarajatyn kóbirek jınaýǵa jáne munaı baǵasy tómen bolǵan kezde bıýdjettiń teńgerimdiligi úshin kepildendirilgen transfertti ulǵaıtýǵa múmkindik beredi. Bul fıskaldyq saıasattyń shamadan tys shyǵyndar men qaryz alýdyń ósýine alyp keletin tapshylyqty keńeıtý jaǵyna aýytqýyn beıtaraptandyrýǵa múmkindik beredi», - dep jazady Álıhan Samıylov.
Premer-Mınıstrdiń birinshi orynbasary kontrtsıkldik bıýdjet qaǵıdasynyń tetigi 2023 jylǵa arnalǵan respýblıkalyq bıýdjetti qalyptastyrý kezinde qoldanylatynyn eskertedi.
«Ulttyq qordan kepildendirilgen transfert mólsheri birtindep qysqaratyn bolady. Máselen, 2021 jyly kepildendirilgen transfertti 2,7 trln teńgege, 2022 jyly 2,4 trln teńgege, 2023 jyly 2,2 trln teńgege deıin qysqartý kózdelgen», - dep jazylǵan Álıhan Smaıylovtyń jaýabynda.
