2023 jyly Ulttyq qordan 2,2 trln teńge kepildendirilgen transfert alynady
«Zań jobasy Bıýdjet kodeksiniń jańa talaptaryn eskere otyryp ázirlendi. Ulttyq qordan beriletin kepildendirilgen transferttiń kólemi jańa bıýdjettik qaǵıdaǵa sáıkes munaıǵa kesimdi baǵany eskere otyryp aıqyndaldy jáne boljam boıynsha munaı sektory uıymdarynan Ulttyq qorǵa túsetin tikeleı salyqtardyń kóleminen aspaıtyn bolady. Bul rette, zań jobasynda munaıdyń kesimdi baǵasy barrelline 2023 jyly - 48,9 AQSh dollary, 2024-2025 jyldary 42,2-40,3 AQSh dollary deńgeıinde belgilendi. Osyny eskere otyryp, respýblıkalyq bıýdjetke kepildendirilgen transferttiń mólsheri 2023 jyly 2,2 trln teńge, odan ári 2024 jyly 2 trln teńge jáne 2025 jyly 1,9 trln teńge kóleminde aıqyndaldy», - dedi mınıstr.
Onyń atap ótýinshe, josparly kezeńde qaǵıdalardy qoldaný Ulttyq qordyń valıýtalyq aktıvterin 2023 jyly 66,7 mlrd AQSh dollaryna deıin qalpyna keltirýge, odan ári 2024-2025 jyldary 78,8-93,2 mlrd AQSh dollaryna deıin arttyrýǵa yqpal etedi.
«Bizdiń boljamymyz boıynsha Ulttyq qordan tartylatyn kepildendirilgen transferttiń kólemine jáne orta merzimdi kezeńde shyǵystardyń ósý qarqynyna joǵarǵy shekti belgileý fıskaldyq tártipti arttyrýǵa jáne Ulttyq qordyń jınaqtaý fýnktsııasyn kúsheıtýge múmkindik beredi. Zań jobasyn qabyldaý josparly kezeńde respýblıkalyq bıýdjettiń teńgerimdiligin qamtamasyz etýge jáne osy rette Ulttyq qordyń turaqtandyrý fýnktsııasyn iske asyrýǵa múmkindik beredi», - dedi Álibek Qýantyrov.
