2023 jyly polıtsııa jáne prokýratýra organdarynda jumystyń «servıstik» modeli engiziledi

NUR-SULTAN. QazAqparat – 2023 jyly polıtsııa jáne prokýratýra organdarynda jumystyń «servıstik» modeli engiziledi. Bul týraly Májilistegi «Nur Otan» partııasy parlamenttik fraktsııasynyń keńeıtilgen otyrysynda Úkimet basshysy Asqar Mamın aıtty, dep habarlaıdy QazAqparat tilshisi.

«Quqyq qorǵaý jáne sot júıesin odan ary jańǵyrtý jónindegi sharalar qabyldanatyn bolady.2021 jyly azamattardyń quqyq qorǵaýorgandyrmen jedel ózara is-áreketin qamtamasyz etý úshin mobıldi qosymsha men chat-bottar ázirlenip, engiziledi», - dedi Úkimet basshysy «Nur Otan» partııasynyń «Ózgerister joly: ár azamatqa laıyqty ómir!» Saılaý baǵdarlamasyn oryndaýdyń Jol kartasyn talqylaý barysynda.

Onyń aıtýynsha, Buzýshylyqtardyń aldyn alý júıesin damytý jónindegi tujyrymdama qabyldanady.

«2023 jyly polıtsııa jáne prokýratýra organdarynda jumystyń «servıstik» modeli engiziledi. 2024 jyly memleket kepildik beretin quqyqtyq kómektiń kólemi 2 esege artady. Quqyq qorǵaý organarynyń quzireti naqty bólinedi», - dedi Asqar Mamın.

Úkimet basshysynyń aıtýynsha, jergilikti polıtsııa qyzmetinde «qadamdyq jerdegi polıtsııa» ustanymyn engizý maqsatynda 2021-2025 jyldary 176 modýldik statsıonarlyq post, 390 ýchaskelik pýnkt salynady.

«Qoǵamdyq qaýipsizdikti qamtamasyz etý úshin 2021 jyly 17 qalada jáne odan keıin 2025 jylǵa qaraı 69 monoqalada baqylaý júıesi engiziledi», - dedi Asqar Mamın.