2023 jyly órt sóndirýshilerdiń jalaqysy 70% deıin kóteriledi - mınıstr
ASTANA. QazAqparat –QR Tótenshe jaǵdaılar mınıstri ıÝrıı Ilın 2023 jyly órt sóndirýshiler men qutqarýshylardyń jalaqysy qanshaǵa ósetini aıtty, dep habarlaıdy QazAqparat tilshisi.
«Úsh jyl buryn jalaqyny kóterý máselesi kóterilgen kezde bizdiń qyzmetkerler 65 myń teńge alyp otyrǵan edi. Qazir qyzmetke kelgen qyzmetkerdiń eń tómengi laýazymdyq jalaqysy shamamen 110 myń teńge», - dedi ıÝrıı Ilın Úkimet otyrysynan keıin BAQ ókilderine.
Onyń aıtýynsha, 2023 jyly jańadan kelgen qatardaǵy qyzmetkerlerdiń aılyǵy maksımaldy deńgeıde ósetin bolady.
«2023 jylǵy 1 qańtardan bastap jalaqyny 10%-dan 70%-ǵa deıin arttyrý kózdelip otyr. 70% degende, bul qyzmetti endi bastaǵan qatardaǵy quramnyń jalaqysy maksımaldy ósedi degen sóz. Al 10% degende basshy quram týraly aıtyp turmyn, bul - órt sóndirý qyzmetiniń bastyqtary, tótenshe jaǵdaılar qyzmetiniń bastyqtary», - dep túsindirdi mınıstr.
