2023 jyly óńirlerge bıýdjetten 6 trln teńge bólinedi

NUR-SULTAN. QazAqparat – 2023 jyly óńirlerge respýblıkalyq bıýdjet qarajaty esebinen 6 trln teńge bólinedi. Bul týraly Májiliste «2023-2025 jyldarǵa arnalǵan respýblıkalyq bıýdjet týraly» zań jobasyn tanystyrǵan QR Qarjy vıtse-mınıstri Tatıana Saveleva aıtty, dep habarlaıdy QazAqparat tilshisi.

«Ákimderdi ekonomıkalyq yntalandyrý, olardyń qarjylyq derbestigi men óńirlerdiń áleýmettik-ekonomıkalyq damý máselelerin sheshýdegi jaýapkershiligin keńeıtý úshin respýblıkalyq bıýdjetten barlyq aǵymdaǵy transfertterdi jergilikti bıýdjetter bazasyna berý júzege asyryldy», - dedi ol.

Vıtse-mınıstrdiń dereginshe, úsh jyl ishinde óńirlerge 9,5 trln teńge, onyń ishinde 2023 jyly 2,8 trln teńge kóleminde shyǵystar beriledi.

«Úsh jyldyq kezeńde damýǵa arnalǵan nysanaly transfert túrindegi shyǵystar 3,3 trln teńgeni, onyń ishinde 2023 jyly 1,1 trln teńgeni quraıdy. Jalpy, 2023 jyly óńirlerge respýblıkalyq bıýdjet qarajaty esebinen 6 trln teńge bólinedi. Bul bıýdjettiń jalpy shyǵystarynyń shamamen 29 paıyzyn quraıdy», - dedi Tatıana Saveleva.