2023 jyly óńirler boıynsha genderlik qajettilikter kartasy engiziledi

NUR-SULTAN. QazAqparat - Áıelder kásipkerligin damytý boıynsha 17 ortalyq qurylady. Bul týraly Májiliste «Nur Otan» partııasynyń saılaý aldyndaǵy mindettemelerin iske asyrýǵa arnalǵan talqylaý kezinde Premer-Mınıstr Asqar Mamın málim etti, dep habarlaıdy QazAqparat tilshisi.

«Áıelderdiń iskerlik, kóshbasshylyq áleýetin júzege asyrýǵa, belsendiligin attyrýǵa jaǵdaı jasaý úshin 2023 jyly óńirler, qalalar men aýdandar boıynsha genderlik qajettilikter kartasy engiziletin bolady. Áıelder kásipkerligin damytý boıynsha 17 ortalyq qurylady», - dedi Asqar Mamın.

Onyń aıtýynsha, atqarýshy, ókildik, sot organdary men kvazımemlekettik sektorda basshylyqtaǵy áıelderdiń úlesi 30 paıyzǵa deıin jetkiziledi.

Eldiń qoǵamdyq-saıası ómirinde áıelderdiń rólin arttyrýǵa baǵyttalǵan 37 joba iske asyrylady.