2023 jyly Mańǵystaýda aýyl sharýashylyǵy salasyn sýbsıdııalaýǵa 1,9 mlrd teńge bólindi
ASTANA. QazAqparat - Mańǵystaýda aýyl sharýashylyǵy salasyn sýbsıdııalaýǵa 1,9 mlrd teńge bólindi. Bul týraly Ortalyq kommýnıkatsııalar qyzmetinde ótken brıfıng barysynda Mańǵystaý oblysynyń ákimi Nurlan Noǵaev málimdedi, dep habarlaıdy QazAqparat.
Aýyl sharýashylyǵy salasy — el ekonomıkasynyń negizgi salalarynyń biri. Aǵymdaǵy jyly aýyl sharýashylyǵynyń shaǵyn jáne orta bıznestegi kásipkerlerin, sharýa qojalyqtaryn qoldaý maqsatynda bıýdjetten sýbsıdııalaýǵa 1,9 mlrd teńge bólindi. Atap aıtqanda, mal sharýashylyǵyn damytýǵa-818 mln teńge, eginshilikti damytýǵa - 43,6 mln teńge, ınvestıtsııalyq sýbsıdııalaýǵa - 720,4 mln teńge, syıaqy mólsherlemelerin sýbsıdııalaýǵa - 350 mln teńge. Mal sharýashylyǵy salasyn sýbsıdııalaýǵa 2021 jyly 127 mln teńgeni bólinse, 2023 jyly bul qarajat 818 mln teńgege deıin ulǵaıǵan.
Jalpy, óńirdiń aýyl sharýashylyǵy salasyn damytý úshin 2019-2021 jyldary agroónerkásiptik keshenniń 1005 sýbektisine 2,33 mlrd teńge kóleminde sýbsıdııa bólingen. 2022 jyly - 2,2 mlrd teńgege 661 agroónerkásiptik keshen sýbsıdııalanǵan.
- Sondaı-aq óńirde aýyl sharýashylyǵyn damytý maqsatynda biz «Aýyl amanaty» dep atalatyn aýyl azamattaryna nesıe berý jobasyn iske asyramyz. Joba sheńberinde jyldyq 2,5% - ben 5-7 jyl merzimge shaǵyn nesıeler beriledi. Jalpy somasy 1,2 mlrd teńgege 250 jobany iske asyrý josparlanýda. Joba aýyl turǵyndarynyń ál - aýqatyn arttyrýǵa jáne olardyń máselelerin jedel sheshýge múmkindik beredi degen úmittemin, - dedi Nurlan Noǵaev.
