2023 jyly Malaızııadan Qazaqstanǵa tikeleı reıs ashylady

ASTANA. QazAqparat - Qazaqstan men Malaızııa arasynda tikeleı áýe reısteri ashylady. Bul týraly QazAqparat Azamattyq avıatsııa komıtetine silteme jasap habarlaıdy.

QR IIDM Azamattyq avıatsııa komıtetiniń tóraǵasy Talǵat Lastaev bastaǵan qazaqstandyq delegatsııa Malaızııanyń avıatsııalyq bılik ókilderimen kelissózder júrgizdi.

Kezdesý barysynda taraptar Qazaqstan men Malaızııa arasyndaǵy tikeleı áýe qatynasyn jańartý máselelerin talqylady.

Buǵan deıin, 2019 jyly eki el arasynda reıster ashý boıynsha jumys júrgizgen bolatyn. Alaıda ol karantındik shekteýlerge baılanysty toqtatylǵan edi. Bul jumys qaıta jalǵasyn tapty.

Komıtettiń habarlamasyna qaraǵanda, 2023 jyly Kýala-Lýmpýrdan Qazaqstanǵa odan ári qaraı úshinshi elge ushatyn reısterdi iske qosý josparlanýda (aýa erkindiginiń 5-shi dárejesi).

Tikeleı reısti iske qosýdyń tehnıkalyq máseleleri aldaǵy ýaqytta taǵy pysyqtalmaq.

Foto:gov.kz