2023 jyly Qazaqstanda ınflıatsııa qarqyny báseńdeıdi
«Bizdiń baǵalaýymyzǵa qaraǵanda, ınflıatsııa 2023 jyldyń basyndaǵy shamamen 19 paıyzdan 2023 jyldyń jeltoqsanynda 8 paıyzǵa deıin tómendeıdi. Inflıatsııa báseńdeýi múmkin, degenmen ınflıatsııa táýekeli áli de joǵary dep esepteımiz. Buǵan negizinen syrtqy sektor yqpal etedi. Osyǵan oraı Qazaqstan Ulttyq banki bazalyq mólsherlemeni 2023 jyldyń birinshi jartyjyldyǵynda shamamen 16 paıyz deńgeıinde saqtaıdy dep oılaımyz. Odan ári ınflıatsııanyń turaqty báseńdeýi jaǵdaıynda jáne syrtqy ınflıatsııalyq qysymnyń álsireýine qaraı mólsherleme 2023 jyldyń ekinshi jartysynda tómendeı bastaýy múmkin», - dedi Analıtıkalyq jumys dırektsııasynyń elder boıynsha taldaý júrgizý ortalyǵynyń aǵa taldaýshysy Aıgúl Berdiǵulova.
Buǵan deıin habarlanǵandaı, bıyl qazan aıynda Ulttyq bank bazalyq mólsherlemeni 16%-ǵa deıin kóterdi.
Qazan aıynyń qorytyndysy boıynsha ınflıatsııa 18,8 paıyzǵa jetti.