2023 jyly kásiptik jaýapkershilikti saqtandyrýǵa 300 myń medıtsına qyzmetkeri qamtylady

ASTANA. QazAqparat – QR Densaýlyq saqtaý mınıstri Ajar Ǵınııat medıtsına qyzmetkerleriniń kásiptik jaýapkershiligin saqtandyrýdyń boıynsha 300 myńnan astam adam qamtylatynyn aıtty, dep habarlaıdy QazAqparat tilshisi.

«2023 jyldan bastap saqtandyrýdy jumys berýshiniń esebinen júzege asyrýdy usynamyz. Al 2025 jyldan bastap saqtandyrý syılyqaqysynyń somasyn medıtsınalyq uıym men medıtsına qyzmetkerleriniń arasynda bólý usynylady. Bul óz kezeginde ortaq kásiptik jaýapkershilikke ákeledi. ıAǵnı, ár dáriger óziniń jumysy úshin jaýap berýi kerek», - dedi A. Ǵınııat Májiliste «Qazaqstan Respýblıkasynyń keıbir zańnamalyq aktilerine densaýlyq saqtaý máseleleri boıynsha ózgerister men tolyqtyrýlar engizý týraly» zań jobasyn tanystyrý kezinde.

Onyń aıtýynsha, kásiptik jaýapkershilikti saqtandyrý júıesimen 304 myńnan astam medıtsına qyzmetkerin qamtý usynylady. Bul turǵyda júrgizilgen esepteýler nátıjesinde 2023 jyly jalpy somasy 4,6 mlrd teńge eskerilmek. Onyń 2,7 mlrd teńgesi tegin medıtsınalyq kómektiń kepildik berilgen kóleminiń esebinen jáne 1,8 mlrd teńgesi mindetti áleýmettik medıtsınalyq saqtandyrýdyń esebinen bolady.

Budan buryn habarlanǵandaı, medıtsına qyzmetkerleriniń kásiptik jaýapkershiligi boıynsha mindetti saqtandyrý júıesi engiziledi.