2023 jyly qandaı salalarǵa memlekettik aýdıt júrgiziledi
«QR Joǵary aýdıtorlyq palatasy sizderdiń kvazımemlekettik sektor sýbektileriniń qarajatyn ekinshi deńgeıdegi bankterdegi depozıttik shottarǵa ornalastyrý tıimdiligine aýdıt, kvazımemlekettik sektor sýbektileriniń ótimdiligin EDB basqarýynyń áleýmettik-ekonomıkalyq saldaryna jáne mundaı basqarýdyń banktik kredıtteý naryǵynyń jaǵdaıyna yqpal etýine aýdıt jáne taldaý júrgizýge, ótimdilikti basqarýdyń qoldanystaǵy modelin jáne memlekettiń ulttyq qaýipsizdigin qamtamasyz etýdi baǵalaýǵa qatysty joldanymdaryńyzdy qarap, mynany habarlaıdy. Sizder qozǵap otyrǵan ulttyq ekonomıkaǵa ınvestıtsııa salýdyń ishki qaınar kózderin izdeý qajettigi týraly máseleler asa ózekti jáne Joǵary aýdıtorlyq palatanyń materıaldarynda jáne aýdıtteriniń qorytyndylarynda udaıy kóteriledi», - delingen palata tóraǵasynyń Májilis depýtattary saýalyna bergen jaýabynda.
Onyń atap ótýinshe, tıimdilik aýdıtterin qalyptastyrý «Memlekettik aýdıt jáne qarjylyq baqylaý týraly» Zańnyń 18-babyna sáıkes josparly negizde júrgiziledi. Osylaısha, Joǵary aýdıtorlyq palata memlekettik aýdıtti táýekelderdi basqarý júıesin qoldaný negizinde qalyptastyrylǵan Memlekettik aýdıt obektileriniń tıisti jylǵa arnalǵan tizbesine sáıkes júzege asyrady. Memlekettik aýdıt obektileriniń 2023 jylǵa arnalǵan tizbesi Qazaqstan Respýblıkasy Parlamentiniń depýttary men qoǵam kótergen asa ózekti máselelerdi esepke ala otyryp qalyptastyryldy.
«Barlyǵy 9 aýdıt tobynyń bolýyna baılanysty Memlekettik aýdıt obektileriniń 2023 jylǵa arnalǵan tizbesiniń jobasyna tolyqtyrý engizý múmkin bolmaı otyr. Budan bólek, 2023 jylǵa arnalǵan jumys josparynyń 28 paıyzy Memleket basshysynyń jáne onyń Ákimshiliginiń tapsyrmalary boıynsha júrgiziletin aýdıtterge tıesili. Qazirgi ýaqytta tizbede 2023 jyly jylý energetıkasynyń, orta bilim berý men densaýlyq saqtaýdaǵy, avtomobıl jáne aýyl sharýashylyǵy mashınalaryn jasaýdaǵy, kóshi-qondaǵy memlekettik-jekeshelik áriptestik jobalarynyń, qorǵanys qabilettiligi men áskerı qaýipsizdiktiń tıimdiligine aýdıtter, sondaı-aq Memleket basshysynyń tapsyrmalaryna sáıkes birqatar jedel aýdıtter júrgizý josparlanǵan», - dedi Natalıa Godýnova.
