2023 jyly eýropalyq jáne amerıkalyq kartalardaǵy Qazaq memleketine qatysty jınaq shyǵady
«Sizderdiń «Qazaqstannyń tarıh tolqynyndaǵy úzdiksiz memlekettiligi. XVI-XIX ǵasyrlardaǵy eýropalyq jáne amerıkalyq kartalardaǵy Qazaq memleketi. Uninterrupted History of Nationhood in Kazakhstan. The Kazakh State on European and American Maps of the XVI-XIX Centuries. Atlas. Nepreryvnaıa gosýdarstvennost Kazahstana v potoke ıstorıı. Kazahskoe Gosýdarstvo na evropeıskıh ı amerıkanskıh kartah XVI-XIX vekov. Atlas» atty 5 tomdyq jınaqty jarııalaýǵa qatysty depýtattyq saýaldaryńyzǵa mynany habarlaımyn. Qazirgi tańda respýblıkalyq bıýdjettik baǵdarlama esebinen 2023 jyly basyp shyǵarylatyn ádebıetter tizimi tolyǵymen jasaqtaldy. Osyǵan oraı, 5 tomdyq Atlas kartanyń elimizdiń tarıhy men memlekettiligi úshin mańyzdylyǵyn eskere otyryp, ony qosymsha qarajat esebinen basyp shyǵarý jáne elimizdiń kitaphanalaryna taratý máselesi qaralatyn bolady», - dedi Álıhan Smaıylov.
Úkimet basshysynyń atap ótýinshe, osy maqsatta Mádenıet jáne sport mınıstrligine jınaqty basyp shyǵarýǵa qajetti qosymsha qarajat bólý týraly tıisti bıýdjettik ótinim ázirleý tapsyrylǵan.
«Qazirgi ýaqytta mınıstrlik M.Sydyqnazarovpen baılanys ornatyp, jınaqty joǵary sapada basyp shyǵarýǵa daıyndaý máselelerin pysyqtaýdy bastady. Sonymen qatar jınaqty ǵylymı ortaǵa keńinen taratý maqsatynda ony qosymsha L.N.Gýmılev atyndaǵy Eýrazııa ulttyq ýnıversıteti qarajaty esebinen basyp shyǵarý da josparlanýda», - dedi Premer-Mınıstr.
Esterińizge sala ketsek, 2021 jyldyń jeltoqsanynda Brıýsselde belgili qazaqstandyq ǵalym, professor Muhıt-Ardager Sydyqnazarovtyń «Tarıh tolqynyndaǵy Qazaqstannyń úzilissiz memlekettiligi. XVI-XIX ǵasyrlardaǵy eýropalyq jáne amerıkandyq kartalardaǵy Qazaq memleketi» atty biregeı kitabynyń tusaýkeseri ótken edi.
Ashyq kózderden alynǵan foto
